"Крокус Сити Холл"даги теракт пайтида таниқли спорт шарҳловчиси ҳам воқеа жойида эди

Террорчилар "Крокус Сити Холл" мажмуасининг концерт залига ҳужум қилишган. Улар Москва вақти билан соат 20:00 лар атрофида "Пикник" гуруҳининг концертига йиғилган олти мингдан зиёд томошабин бўлган залга бостириб кириб, ўқотар қуролдан томошабинларга қарата ўт очган.

Ўша пайтда концерт залида таниқли спорт шарҳловчиси Виктор Гусев ҳам бўлган. "Пикник" гуруҳининг кўп йиллик мухлиси ҳисобланган Гусев рафиқаси билан "Крокус Сити Холл"га келганди. Улар қочишга муваффақ бўлган ва омон қолган.   

"Мен Витяга концертга борганми, йўқми дея соат 21.12 да ёздим - чунки унинг "Пикник" гуруҳини мухлиси эканини билардим. Гусев бир дақиқадан сўнг жавоб қайтарди: "Оля билан зўрға қочиб қутулдик". Кейин узоқ вақт ёзмади. Қаттиқ ҳавотир олдим. Фақат соат 22.38 да ёзди: "Улгурдик", - дейди яна бир таниқли шарҳловчи Игорь Рабинер.