Кудерметова Istanbul Open турниридаги иштирокини бошлади

Мусобақада мамлакатимизнинг иккинчи ракеткаси Полина Кудерметова ҳам ўз омадини синаб кўряпти. Вакиламиз илк даврада туркиялик Чагла Буюкакчайни ортиқча қийинчиликсиз мағлубиятга учратди - 6/3, 6/1. 

Роппа-роса 70 дақиқа давом этган баҳсда Полина 1 та эйс зарбасини амалга оширди, қўшхатога йўл қўймади. Бу теннисчиларнинг ўзаро ўтказган иккинчи учрашуви бўлди. 2022 йилда ўтган дастлабки баҳсда ҳам Кудерметова Чагладан устун келган эди. 

Таққослаш учун, Полина Кудерметова айни пайтда WTA рейтингида 123, Чагла Буюкакчай 385-ўринни эгаллаб турибди. Туркиялик 36 ёшли теннисчи асосий тўрга имтиёзли йўлланма асосида қўйилган эди. Турнирда учинчи рақам остида таснифланган Полинанинг 1/8 финалдаги рақибаси бироздан сўнг Хитой ва Россия теннисчилари ўртасидаги учрашувда аниқланади.