Кураш бўйича Ўзбекистон терма жамоаси жаҳон чемпионатида 72 та медаль билан биринчи ўринни эгаллади

Чемпионатнинг иккинчи кунида 16-17 ёшлилар 18 та вазн тоифасида совринли ўринларга даъвогарлик қилди. Йигирмадан ортиқ давлатнинг 150 нафардан зиёд ёш спортчилари иштирокидаги баҳслар сарҳисобига кўра, Ўзбекистон ёшлар терма жамоаси 32 та (14 та олтин, 13 та кумуш ва 5 та бронза) медални қўлга киритди.

Фахрийлар ўртасида ўтган жаҳон чемпионатида мамлакатимизнинг фахрий полвонлари 4 та олтин, 5 та кумуш, 1 та бронза медалига эгалик қилди.

Жаҳон чемпионатининг натижаларига кўра, 30 та олтин, 30 та кумуш ва 12 та бронза медалига эгалик қилган Ўзбекистон терма жамоаси умумжамоа ҳисобида 1-ўринни эгаллади. Мўғулистон иккинчи, Туркманистон эса учинчи поғонани банд этди.

Миллий спортимиз курашнинг халқаро ривожига муносиб ҳисса қўшган терма жамоамиз аъзолари бугун юртимизга қайтиб келишди.