UZ

Сўнгги янгиликлар

20:14Анталия "Катта Дубулға" турнирининг биринчи кунини медалсиз якунладик 0 19:46ФИФА "Бунёдкор"га илк санкцияни қўллади 0 19:25Тим Цзю: "Мен иккинчи камарни ҳам қўлга киритишим керак" 0 19:04Оғир атлетикачиларимиз сўнгги лицензион турнирда иштирок этишади 0 18:43Нурсултон Рўзибоев тарози маросимида иштирок этди 0 18:30АПЛ болбойларнинг ўйинга таъсирини чеклайди 0 18:09Хабиб Нурмагомедов Сен-Пьерга жавоб қайтарди 0 17:48Сен-Пьер Хабиб билан эҳтимолий жанг ҳақида: "Мен 42 ёшдаман..." 0 17:27Глендейлдаги проф бокс оқшоми иштирокчилари тарозига чиқишди 0 17:06"Барселона" тарбияланувчисини қайтармоқчи 0 16:45Содиқ Сафоев Ўзбекистон регби федерацияси раислигига қайта сайланди 0 16:24Нигина Абдураимова Словения турнирида 1/2 финалга чиқди 0 16:03Нурсултон Рўзибоев Дюмадан кейин Маҳмуд Мурадов учун реванш олмоқчи 0 15:42Антуан Гризманн қайтди 0 15:21Конор Макгрегор овқатланиш рационини кўрсатди + ФОТО 0

13 апр 09:53
Янгиликлар

Спорт курашлари, Кураш

Курашчиларимиз Озарбайжондаги халқаро турнирда қатнашадилар

Теглар :  Кураш
Бугун Озарбайжон пойтахтидаги «Боку спорт саройи»да эркин ва юнон-рум курашлари бўйича ўсмирлар ва кадетлар ўртасида Озарбайжон спорт курашлари федерацияси кубоги анъанавий халқаро турнири старт олади.

Мусобақада мезбонлардан ташқари Тожикистон, Украина, Ўзбекистон, Латвия, Россия, Туркия, Эрон, Грузия, Қозоғистон ва Белорус давлатларидан спортчилар ғолиблик учун куч синашишади. 

Турнир дастурига кўра 13-14 апрель кунлари юнон-рум кураши бўйича беллашувлар ўтказилса, 15-16 апрель кунлари эркин курашчилар гиламга чиқишади. Ўзбекистон терма жамоаси ҳар иккала ёш тоифасида тўлиқ таркиб билан иштирок этади. 

Юнон рум кураши бўйича Олимжон Қурбонов устозлик қилаётган кадетлар терма жамоаси таркибидан қўйидаги спортчилар жой олишган: Лазиз Тошкенбоев (42 кг), Тимур Баҳронов (42 кг), Элдор Каримов (46 кг), Лазиз Ўзбеков (46 кг), Азизбек Олимов (50 кг), Жавоҳир Саматов (58 кг), Умиджон Ахроров (63 кг), Барно Барноев (69 кг), Ергали Айхимбаев (76 кг) ва Шарофиддин Эрназаров (100 кг). 

Ушбу ёш тоифасида эркин кураш бўйича терма жамоамизга Латиф Халимов устозлик қилади. Боку турнирида у ўзининг саккиз нафар шогирди билан иштирок этади. Булар: Умид Жалолов (42 кг), Арслон Раҳимов (46 кг), Жамшидбек Маруфов (50 кг), Фаррух Шарипов (54 кг), Феруз Ёқубов (58 кг), Жамшид Абдуфаттохов (76 кг), Шоҳжаҳон Авазов (76 кг) ва Муҳаммадрасул Раҳимов (85 кг). 

Шунингдек, мусобақада ўсмирлар терма жамоамиз ҳам қатнашади. Мазкур ёш тоифасида юнон-рум кураши бўйича терма жамоамизга тажрибали мураббий Равшан Рўзиқулов бошчилик қилади. Мутахассис халқаро турнирга саккиз нафар спортчини жалб қилди. Булар: Жасур Ортиқбоев (50 кг), Илҳом Баҳромов (55 кг), Тўрабек Тиркашев (60 кг), Маҳмуд Бахшиллоев (66 кг), Жалгас Бердимурадов (74 кг), Абубакр Алимов (74 кг), Эрмат Шерматов (84 кг) ва Аббос Ибрагимов (120 кг). 

Ва ниҳоят ўсмирлар ўртасидаги эркин кураш бўйича терма жамоамиз таркибини Рустамбек Жўраев (50 кг), Жаҳонгирмирзо Туробов (55 кг), Ғуломжон Абдуллаев (55 кг), Аббос Раҳмонов (60 кг), Рамазон Ибодов (66 кг), Сухроб Шарипов (66 кг), Жасурбек Усмонохунов (74 кг), Иса Шапиев (74 кг), Джавраил Шапиев (84 кг) ва Сардорбек Холматовлар тўлдиришган. Уларга Олимжон Хикматов устозлик қилади. 

Таъкидлаш лозимки, мазкур мусобақа мураббийлар кенгашига Осиё ва жаҳон чемпионатларида ватанимиз шарафини ҳимоя қиладиган миллий терма жамоамиз таркибини аниқлаб олишга ёрдам беради. Бундай тоифадаги мусобақалар эса йил охирига қадар тўрттани ташкил этади. 

- ўсмирлар ўртасида Осиё чемпионати. 15-18 июнь. Тайджун, Хитой Тайпейи; 

- ўсмирлар ўртасида жаҳон чемпионати. 1-6 август. Темпере, Финляндия; 

- кадетлар ўртасида Осиё чемпионати. 20-23 июль. Бангкок, Таиланд; 

- кадетлар ўртасида жаҳон чемпионати. 4-10 сентябрь. Афина, Греция;


Рейтинг:    

Фикрлар

   
13 апр 10:11:19
SarvarPARKENTLIK 2706
Artur Taymazovday chempionlar bölinglar
< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг