Курашчиларимиз Польшадаги турнирда иштирок этадилар

Мазкур мусобақаларда мамлакатимиз полвонлари ҳам иштирок этадилар.

Жумладан, эркин курашчиларимиз Вацлав Циалковски хотирасига бағишланиб 25-бор ўтказилаётган халқаро турнирда ўз имкониятларини яна бир бора имтиҳондан ўтказсалар, юнон-рим курашчиларимиз Вацлав Питлясински хотира турнирида совринли ўринлар учун кураш олиб борадилар. Хотин-қизлар ўртасида эса Польша очиқ чемпионати ўтказилади.

Мазкур халқаро мусобақалар Олимпиада ўйинлари арафасида ўтказилаётганлиги боис унда жаҳоннинг кўплаб етакчи полвонларини иштироки кутилмоқда.

Ўзбекистон терма жамоаси таркибидан ҳам етакчи спортчилар ўрин эгаллашган. Қуйида, эркин ва юнон-рим кураши бўйича ўтказиладиган мусобақаларда Ватанимиз шарафини ҳимоя қиладиган спортчиларимиз берилган:

Эркин кураш: Аббос Раҳмонов (-57 кг), Ихтиёр Наврўзов (-65 кг), Бекзод Абдураҳмонов (-74 кг) .
 
Юнон-рим кураши: Елмурат Тасмурадов (-59 кг), Арам Варданян (-66 кг), Дилшод Турдиев (-75 кг), Рустам Ассакалов (-85 кг), Мўмин Абдуллаев.