31 янв 15:47
Янгиликлар
Спорт курашлари, Кураш
Курашчиларимиз янги мавсумга тайёргарлик кўрмоқдалар
Спорт курашлари бўйича Ўзбекистон терма жамоаси Дукентда янги мавсумга тайёргарлик кўрмоқда.
13 январь куни бошланган йиғинлар 3 февралгача давом этади. Шундан сўнг, машғулотларнинг сўнгги босқичи Тошкентдаги "Динамо" спорт мажмуасида ўтказилади. Ушбу йиғинлар 10-24 февраль кунлари ташкил қилиниши режалаштирилган.
Мазкур йиғинлар орқали мураббийлар штаби терма жамоамизнинг асосий таркибини аниқлаб олишни мақсад қилганлар. Маълумот учун, курашчиларимизни яқин вақтлар ичида бир қатор турнирлар кутиб турибди. Жумладан, ҳамюртларимиз 9-11 февраль кунлари Россиянинг Подолськ шаҳридаги халқаро турнирда, 27 февраль - 4 март кунлари Бишкекда бўладиган Осиё чемпионатида иштирок этадилар.
Шунингдек, йил давомида Индонезияда ўтказиладиган Осиё ўйинлари ва Венгриядаги жаҳон чемпионати курашчиларимизни кутиб турибди.
Ҳавола :
Манба : olympic.uz
Фикрлар