Кутилмаган хабар: Мария Шарапова фаолиятини якунлади

"Сен доимо яшаган ҳаётингни қандай қилиб тарк этишинг мумкин? Болалигингдан бўлган жой - кортдан қандай кетиш мумкин? Мен бу ўйинни шунчалик яхши кўраманки, у менга кўз ёшлар, баҳтни тақдим этган. Спорт орқали мен оила ва мухлислар топдим - улар узоқ йиллардан буён мен билан бирга. 

Бу қандайдир ғалати, лекин... Кечиринг... Теннис, ҳайр!", - деб хабар қолдирди Шарапова Инстаграмдаги саҳифасида. 

Қайд этиш лозимки, Мария 2001 йилда профессионал фаолиятини бошлаган. 36 маротаба WTA турнири ғолибаси бўлган (5 та "Улкан тож" ва Якуний турнир билан қўшиб). 2012 йилги Олимпиада кумуш медали соҳибаси. Фаолияти давомида 38 777 962 АҚШ доллари миқдорида мукофот пули ишлаб топган.