07 янв 14:28
Янгиликлар

Теннис

Кутилмаган хабар! Надаль Australian Open турнирида иштирок этмайди

"Катта Дубулға" туркумига кирувчи турнирларнинг 22 карра ғолиби Рафаэль Надаль Авсралия Очиқ чемпионатида иштирок этмаслигини эълон қилди.

Испаниялик афсона шу ҳафта узоқ муддатли танаффусдан сўнг кортга қайтган ва Брисбен турнирида иштирок этган эди. Жордан Томпсонга қарши кечган 1/4 финал учрашувида уни яна жароҳати безовта қила бошлаган.

"Мен йил давомида кучли бўлиб қайтиш учун астойдил меҳнат қилдим. Афсуски, жароҳат ўз сўзини айтмоқда. Мельбурнлик мухлислар қаршисида ўйнаш бу сафар насиб қилмади. Австралия Очиқ чемпионатида қатнашишни жуда ҳам хоҳлагандим. Қўллаб-қувватлаганингиз учун раҳмат ва кўришгунча!", - дея қарорини изоҳлаган Надаль.