15 июл 11:38
Янгиликлар

Футбол

Ла Лига клуби Шомуродов учун курашга қўшилди

"Рома" ҳужумчиси Элдор Шомуродов фаолиятини Испанияда давом эттириши мумкин.

Хабарга кўра, ўтган мавсумнинг иккинчи қисмини "Специя"да ўтказган Ўзбекистон терма жамоаси сардори Рим клуби режаларидан ўрин олмаган. Италия ОАВнинг ёзишича, "Лечче"дан ташқари ҳужумчига "Торино" ва Туркия клублари қизиқмоқда. Шунингдек, бу курашга Ла Лиганинг "Жирона" жамоаси ҳам қўшилган.

Римликлар уни мажбурий сотиб олиш ҳуқуқи билан ижарага беришмоқчи, аммо футболчининг 1,5 млн евролик маоши кўп клубларни чўчитмоқда.

Аввалроқ Туркиянинг "Галатасарой" клуби ҳужумчини ижарага олиш истагида экани хабар қилинган эди.