Лас-Вегасдаги UFC турнирининг асосий жанги биринчи раунддаёқ якунланди + ФОТО

Оқшомнинг асосий жанги енгил вазн тоифасида ўтказилди. Унда польшалик Матеуш Гамрот Австралия вакили Куиллан Салкиллдга қарши октагонга чиқди. Жанг бироз кутилмаганда австралиялик аралаш яккакураш устасининг ғалабаси билан якунланди. Биринчи раунд якунланишига 35 сония қолган бир пайтда Куиллан тажрибали рақибини бўғиш усулида таслим этди. 

Бу Гамрот учун фаолиятидаги бешинчи мағлубият бўлди. Ҳисобидаги ғалабалари сони 26 талигича қолди. Яна битта жанг ўтказилмаган дея топилган. Ўз ўрнида Салкиллд ММАдаги 13-ғалабасини тантана қилди. Ҳисобида 2 та мағлубият ҳам бор. Куиллан ғалабали сериясини 11 та жангга етказиб олди. UFC`даги ғалабалари 6 тага етди. У бундан аввалги жангида яна бир номдор спортчи Бенеил Дариушни биринчи раунддаёқ техник нокаутга учратган эди.