03 июн 19:00
Янгиликлар

Спорт курашлари

Лайлохон Собирова Қозоғистондаги рейтинг турнири совриндори + ФОТО

Қозоғистоннинг Олма-Ота шаҳрида эркин, юнон-рум ва аёллар кураши бўйича рейтинг турнири бўлиб ўтмоқда.

Бугунги дастурдан аёллар ва юнон-рум кураши бўйича беллашувлар ўрин олган бўлиб, айни дақиқаларда финал баҳслари ҳамда тақдирлаш маросимлари ўтказиляпти.

Қувонарлиси, аёллар кураши баҳсларида терма жамоамиз аъзоси Лайлохон Собирова нуфузли рейтинг турнирининг бронза медалини қўлга киритди. -57 кг вазн тоифасидаги курашчимиз Лаура Алмаганбетова (Қозоғистон) ва Болортуя Хурелхуу (Мўғулистон)ни мағлуб этди.

Ярим финалда мезбонлар вакиласи Эмма Тиссинага ютқазиб қўйди. Бронза медали учун кечган беллашувда эса биринчи даврадаги рақибаси Лаура Алмаганбетовани 13-5 ҳисобида мағлубиятга учратди.