Лазизбек Муллажонов нокаутли ғалабадан сўнг: "Рақибни ўрганиш учун етарли вақт бўлмаганди"

Муллажонов www.olamsport.com сайти учун жангдан кейинги фикрларини билдириб ўтди.

«Жангга тайёргарлик кўнгилдагидек бўлди. Чунки машғулотларни ўзимизнинг терма жамоа билан олиб бордим. Терма жамоа мураббийлари менга катта ёрдам беришди. Шунинг учун тайёргалик аъло даража бўлди дея оламан.

Рақибим жангга оз муддат қолганда ўзгарди, ўрганиш учун етарлича вақт бўлмади. Лекин бу ғалаба қозониш учун ҳалал бермади.

Жангни муддатидан олдин якунланишини кутмагандим, лекин ният қилгандим. Албатта ҳамма боксчи дебют жангини муддатдан олдин тугатишни хоҳлайди.

Ин Шаа Аллоҳ 31 январь Ўзбекистонга қайтамиз ва 5 февралдан Янгиобод ўқув-базасида  йиғинимиз бошланади. Мураббийларимиз билан маслаҳатлашган холда машғулотларга борамиз албатта» - деди Лазизбек.

Сарвиноз Рахмонқулова суҳбатлашди