Лерон Мёрфи Диего Лопесга "вызов" ташлади

Британиялик ярим енгил вазн тоифасида UFC чемпионлик камари учун собиқ даъвогар, унинг россияликка қарши жангини танқид қилган Диего Лопес билан октагонда тўқнаш келишга қарши эмаслигини билдирди.

"Йўқ, Лерон, биз бир хил эмасмиз. Бошқа бундай қилма!", - деб ёзди Лопес ижтимоий тармоқда UFC Fight Night 270 турниридан кейин.

"Мен уч раунд қоровулхонада чалқанча ётмадим, оғайни. Кел, кейинги сафар иккимиз октагонда тўқнаш келамиз", - дея жавоб берди Мёрфи бразилияликка Евлоев билан бўлган жангини эслатиб.

Лерон Мёрфи куни кеча кўпчилик овоз билан Мовсар Евлоевга ютқазган бўлса, Диего Лопес январь ойида ярим енгил вазн тоифасида UFC чемпионлик камарини қўлга киритиш учун иккинчи марта муваффақиятсиз уриниш қилиб, ҳакамларнинг якдил қарори билан Александр Волкановскига ютқазганди.

Айни пайтда бразилиялик ҳамда британиялик аралаш яккакураш усталари ташкилотнинг ярим енгил дивизиони рейтингида мос равишда иккинчи ва учинчи ўринларни эгаллаб турибди. Лопес 14 июнь куни Оқ уйдаги турнирда америкалик Стив Гарсияга қарши жанг ўтказади.