“Лестер”, “Реал”, “Ювентус”, “Байер” плей-оффда, “Тоттенхэм” ва “Спортинг” Европа Лигаси учун курашади

Кечаги ўйинлардан сўнг бир нечта жамоа муддатидан аввал гуруҳдан чиқиш вазифасини бажариб, плей-офф йўлланмасини қўлга киритди. “E” гуруҳидан “Монако” биринчи ўрин эгаси сифатида плей-оффга чиқди. “Байер” эса муддатидан аввал иккинчи ўринни эгаллади. “Тоттенхэм” ва ЦСКА клублари Европа Лигаси йўлланмаси учун кураш олиб боришади.

“F” гуруҳида “Реал” жамоаси ҳам плей-оффга йўлланма олди. Дортмунднинг “Боруссия” клуби эса бу вазифани ўтган турдаёқ ижобий ҳал қилганди. “Спортинг” ва “Легия” клублари Европа Лигаси чиптаси учун баҳс олиб боришади.

“G” гуруҳида Англия чемпиони “Лестер” квартет ғолиби сифатида плей-оффга йўл олди. “Копенгаген” ва “Порту” жамоалари ўзаро иккинчи йўлланма учун курашишади. Улардан бири Европа лигасида ўйнайди.

“H” гуруҳида эса “Ювентус” клуби бу турда “Севилья”ни мағлуб (3:1) этиб, плей-оффга чиқди. “Севилья” ва “Лион” клублари иккинчи йўлланма тақдирини ҳал қилишади.