05 мар 11:51
Янгиликлар

Теннис

Леся Цуренко Акапулькода чемпионлик унвонини ҳимоя қилди

Украиналик теннисчи Леся Цуренко Мексиканинг Акапулько шаҳрида ўтган турнирда бош мукофот соҳибасига айланди.

Бу билан у чемпионлик унвонини ҳимоя қилишга ҳам муваффақ бўлди. Ўтган йили ҳам у бош мукофотга эга чиққан эди. Цуренко бу сафарги финал учрашувида швейцариялик Штефани Фегеле 5:7, 7:6(2), 6:2 ҳисобида таслим этди.

Ушбу соврин Леся учун фаолиятидаги WTA турнирларидаги тўртинчи титул бўлди. Цуренко 2015 йилда Истамбул, 2016 йилда Гуанчжоу, 2017 йилда эса худди кеча бўлгани сингари Акапулькодаги турнирда ғолиб бўлганди.