"Лэйвер Кубоги-2023" турнирининг сўнгги иштирокчилари маълум бўлди

Унга кўра, Европа терма жамоаси сафидан польшалик Хуберт Гуркач ва франциялик Гаэль Монфис ўрин олди. Улар Хольгер Руне, Каспер Рууд, Стефанос Циципас ва Андрей Рублёв билан бир жамоада бўлишади.

Жаҳон терма жамоасида америкалик теннисчилар Томми Пол ва Бен Шелтон, шунингдек, аргентиналик Франциско Черундоло ўйнайди. Аввалроқ жамоа таркибига Тейлор Фриц, Фрэнсис Тиафо ва Феликс Оже кирган эди.