14 июн 08:09
Янгиликлар

Теннис

Libema Open. Стефанос Циципаснинг кутилмаган мағлубияти

Голландиянинг Хертогенбос шаҳрида майса мавсумининг илк ATP турнири давом этмоқда.

Дунёнинг олтинчи ракеткаси Стефанос Циципас кутилмаганда иккинчи давра учрашувида мағлубият аламини тотиб кўрди. Грециялик 20 ёшли истеъдод эгаси роппа-роса 2 соат давом этган баҳсда чилилик 23 ёшли Николас Харрига имкониятни бой берди - 4/6, 6/3, 4/6.

Бу теннисчиларнинг ўзаро илк учрашуви эди. Дунё рейтингида 60-поғонадан жой олган Харри энди Libema Open турнирининг чорак финалида франциялик Ришар Гаске ҳамда қозоғистонлик Михаил Кукушкин ўртасидаги учрашув ғолибига қарши кортга чиқади.