30 июн 11:27
Янгиликлар

Бокс/ММА

Ломаченконинг 5 август кунги жангдаги рақиби маълум

Профессионал бокснинг иккинчи ярим енгил вазн тоифасида WBO йўналиши чемпиони украиналик Василий Ломаченко 5 август кунига белгиланган жангдаги рақиби маълум бўлди.

Бокс тарихида энг кам жанг ўтказиб чемпион бўлган Ломаченко колумбиялик Мигель Марриага (25-2, 21 КО)га қарши рингга кўтарилади. Лос-Анжелес шаҳрида ўтказиладиган ушбу жанг ўша бокс оқшомининг марказий баҳси бўлади.

Мигель Марриага шу пайтгача икки бор жаҳон чемпионлик камари учун кечган жангда даъвогар боксчи сифатида иштирок этган. 2015 йили Николас Уолтерс, ўтган йилнинг кузида Оскар Вальдесга имкониятни бой берган.