19 окт 10:45
Янгиликлар

Теннис

Luxembourg Open. Мафтункор Бушар ярим финалда ўйнайди

Канадалик теннис маликаси Эжени Бушар Люксембургда давом этаётган турнирнинг 1/2 финал иштирокчисига айланди.

Бушар BGL BNP Paribas Luxembourg Open мусобақасининг чорак финал учрашувида германиялик Андреа Петковичга қарши кортга чиқди. Биринчи сетда Андреа 6/4 ҳисобида ғалаба қозонди. Иккинчи сет 4/0 ҳисобида Бушарнинг фойдасига ҳал бўлаётган бир паллада Петкович баҳсни давом эттира олмаслигини маълум қилди.

Шу тариқа, дунёнинг 109-ракеткаси бўлиб туоган Эжени Бушар ярим финал йўлланмасини қўлга киритди. Энди у финал чиптаси учун яна бир германиялик теннисчи Юлия Гёргесга қарши кортга чиқади. Бушар бир ой аввал Тошкент Опен турниирида иштирок этган ва биринчи босқичдаёқ мағлубиятга учраган эди.