05 май 15:08
Янгиликлар
Теннис
Мадрид "Мастерс". 65-ракетка 5-ракеткани мағлуб этди
Мадридда давом этаётган "Мастерс" сериясига кирувчи нуфузли ATP турнири кутилмаган натижаларга ҳам бой бўлмоқда.
Жумладан, рейтингнинг 65-поғонасида бораётган германиялик Ян-Леннард Штруфф чорак финал учрашувида дунёнинг бешинчи ракеткаси, грециялик Стефанос Циципасни 7/6(5), 5/7, 6/3 ҳисобларида мағлубиятга учратди.
Теннисчилар 2 соату 31 дақиқа давомида кортда ҳаракат қилишган. Штруфф ўзаро учрашувлардаги ҳисобни минимал даражада қисқартиришга муваффақ бўлди - 3:4.
Ҳар икки теннисчи ҳам эйс зарбалар устаси эканини амалда исботлади. Ян 14, Циципас 11 та эйс зарбани амалга оширган. Штруфф энди Mutua Madrid Open 1/2 финалида россиялик Аслан Карацевга қарши кортга чиқади.
Ҳавола :
Манба : gotennis
Фикрлар