Мадримов учун имконият?! WBO Фундорани расман чемпионлик унвонидан маҳрум қилди

Бу ҳақда президент Густаво Оливери маълум қилди.

"WBO қўмитаси бир овоздан Фундорани супер ярим ўрта вазн тоифасидаги чемпионлик унвонидан маҳрум қилиш учун овоз берди, бу дарҳол кучга киради. Энди камар вакант", дейди Оливери.

Аввалроқ, PBC промоутерлик компанияси Фундора ва собиқ Жаҳон чемпиони Тим Цзю ўртасида реванш жанги ўтказилиши ҳақида хабар берган эди. Цзю WBO рейтингига киритилмаган, шунинг учун Фундора камаридан айрилган. Маълумот учун, ушбу вазн тоифасидаги ўзбекистонлик боксчи Исроил Мадримов WBO рейтингида еттинчи ўринни эгаллаб турибди.