14 авг 13:04
Янгиликлар

Бокс/ММА

Мафтункор Жожуанинг келаси ҳафтага белгиланган жанги ўтказилмайди

Грузиялик UFC жангчиси Лиана Жожуа 21 августга белгиланган жангида иштирок эта олмайдиган бўлди.

Бунга Лиананинг ўз вақтида АҚШ визасини ололмагани сабаб бўлган. Жожуа 21 август куни АҚШнинг Невада штати Лас-Вегас шаҳрида ўтказиладиган UFC Fight Night турнирида америкалик Кортни Кейсивга қарши октагонга кўтарилиши лозим эди.

"21 август кунги жангим виза муаммоси сабаб ўтказилмайди. Бу жанг кейинги турнирга кўчирилади. Янгиликларни кутинг. Виза муаммоси билан қолган айрим жангчилар ҳам тўқнаш келишди", – дея ўзининг Инстаграм саҳифасида хабар берган Жожуа.

Маълумот учун, 26 ёшли Лиана Жожуа 2015 йилдан бери ММАда ўз жангларини ўтказиб келади. Ҳозирча охирги жангини 2020 йилнинг октябрь ойида Миранда Маверикка қарши ўтказиб, мағлубиятга учраган эди. Унинг ҳисобида 8 ғалаба ва 4 мағлубият бор.