27 дек 10:15
Янгиликлар

Бокс/ММА

Мағлубиятсиз боксчимиз жаҳон чемпионати совриндорлари билан бир оқшомда рингга кўтарилади

30 январь куни Россия Федерацияси пойтахти Москва шаҳрида профессионал бокс кечаси ташкил этилади.

"Лужники"да ўтажак ушбу IBA.PRO 14 турнирида яқинда Дубайда ўтган жаҳон чемпионати ғолиби Давид Суров (+92), кумуш медаль совриндорлари Евгений Кооль ва Эдмонд Худоян рингга кўтарилади.

Давид Суров профессионал рингдаги дебют жангини ўтказади. Ҳозирча унинг рақиби аниқ эмас. Уч карра Россия чемпиони, Евгений Кооль (1-0, 1 КО) 6 раундлик ярим ўрта вазн тоифасидаги жангда Африка ўйинларининг икки карра совриндори, Африка-2017 чемпиони, Олимпиада-2016 иштирокчиси намибиялик Жонас Жуниус Жонасга қарши рингга чиқади.

Европа чемпиони-2024, жаҳон чемпионати-2023 бронза медали совриндори, Россиянинг олти карра чемпиони, -48 кг вазн тоифасида Дубайда бўлиб ўтган ЖЧ-2025 кумуш медали соҳиби Эдмонд Худоян WBA Asia камари учун ҳали номи ошкор этилмаган рақибга қарши 10 раундлик жанг ўтказади.

Биз учун аҳамиятлиси, ушбу кардда мағлубият ва муроса нималигини билмай келаётган чарм қўлқоп устамиз Ҳавасбек Асадуллаевга (6-0, 4 КО) собиқ EBP чемпиони, профессионаллар ўртасида Россия чемпиони Алан Хугаев (21-0, 10 КО)га қарши биринчи ўрта вазн тоифасидаги 8 раундлик жангда қарши рингга чиқади.

Маълумот учун, IBA.PRO 14 турнири "Матч ТВ" телеканалида жонли эфирда намойиш этилади.