Магнус Карлсен FIDE президентини истеъфо беришга чақирди

"Ўйинчиларни мажбурлаш, ваколатдан нотўғри фойдаланиш ва бажарилмаган ваъдалар. FIDE президенти Дворкович, мени Нью-Йоркдаги Жаҳон чемпионатида ўйнашга кўндириш учун 19 декабрь куни отамга қуйидагича хабар юборгансиз:

"Сизга ва Магнусга шуни етказмоқчиман: FIDE ҳамда Freestyle ўртасидаги тан олиниш билан боғлиқ қандай вазият бўлмасин, ўйинчиларга бунинг ҳеч қандай салбий таъсири бўлмайди. Улар ўзлари қарор қилишлари мумкин ва FIDE ҳеч қандай салбий чора кўрмайди". Ўша куни кейинроқ шундай қўшимча қилгансиз: "Агар менинг сўзим FIDE Кенгаши томонидан бузилса, мен лавозимимдан кетаман". Ўйинчилардан қабул қилиб бўлмас даражадаги шартномага имзо чектириш билан сиз ўз ваъдангизни буздингиз. Энди истеъфо берасизми?", деб ёзди Магнус ижтимоий тармоқлардаги саҳифалари орқали.