Магнус Карлсен Непомняшийга қўшчемпионлик таклиф қилганига изоҳ берди

Норвегиялик гроссмейстер финалда россиялик Ян Непомняший билан тўқнаш келганди. Дастлаб Магнус икки партияда ғалабага эришди. Кейин Ян икки ғалаба билан мувозанатни тиклаб қўйди. Қўшимча учта партияда дуранг натижа қайд этилгач, Карлсен рақибига қўшчемпионликни таклиф қилди. Ян эса ортиқча ўйлаб ҳам ўтирмай, бунга рози бўлди. Натижада тарихда илк бор бир йўналишда икки жаҳон чемпиони юзага келди.

"Иккаламиз ҳам асабийлашаётганимиз боис, мен шундай таклиф билан чиқдим. Ўша пайтда бу қарорга келиш айни муддао эканини тушуниб етдим. Сабаби, кейинги партияда мен оқ доналарда ўйнардим. Бу эса менга қўшимча устунлик берарди. Шундоқ ҳам биз узоқ матч ўтказдик. Бундай ўйинда иккинчи ўринни эгаллаган шахматчига қийин бўларди. Бу ҳолатда чемпионликни бўлишиб олиш адолатли қарор эканини тушуниб етдим. Ҳаммага ҳам бирдек ёқавермайсиз. Қароримга қарши чиққанлар етарли бўлди", — деди Карлсен.