14 июл 17:23
Янгиликлар

Бокс/ММА

Магомед Анкалаев: "Мен билан жангга тайёргарлик кўриш учун 10 йил керак!"

UFC`нинг собиқ ярим оғир вазн тоифаси чемпиони россиялик Магомед Анкалаевга янги рақиб сифатида ҳамюртимиз Богдан Гусков берилган эди.

Дунёнинг энг кучли лигаси босслари Богдандан аввал бразилиялик Пауло Коста ва польшалик Ян Блаховичга ҳам таклиф жўнатиб, рад жавобини олганди. Анкалаев 84 кг вазн тоифасида UFC чемпионлигига собиқ даъвогар Пауло Костанинг рад жавобига изоҳ берди.

"Уларга мен билан жангга тайёрланиш учун саккиз ҳафта эмас, 10 йил керак. 25 июль кунги жангимда ғолиб чиқсам, сен билан октябрь ёки ноябрь ойида жанг қилишимиз мумкин. Мен бундан фақат хурсанд бўламан", - деб ёзди Анкалаев Х ижтимоий тармоғидаги саҳифасида.

Богдан Гусков ва Магомед Анкалаев ўртасидаги жанг Абу-Дабидаги (БАА) UFC Fight Night 282 турнирининг янги асосий воқеаси бўлади.