Магомед Анкалаев ва Алекс Перейранинг кафолатланган гонорарлари маълум

Кечанинг асосий жангида яримоғир вазн тоифасида амалдаги чемпион, бразилиялик Алекс Перейра россиялик Магомед Анкалаев билан тўқнаш келади. Анкалаев ҳозирда ушбу дивизион рейингида биринчи ўринни эгаллаб турибди.

Ушбу жанг учун Перейра кафолатланган равишда 1 миллион доллар миқдорида гонорар олади. Анкалаев эса 750 минг доллар ишлаб олиши керак. Шунингдек, ушбу суммага PPV сотувидан тушадиган фоизлар ҳам қўшилади. 

Эслатиб ўтамиз, Перейра ўз чемпионлик камарини охирги марта 2024 йил октябрь ойида ҳимоя қилган ва ўшанда Халил Раунтрини тўртинчи раундда техник нокаут билан мағлуб этганди. Анкалаев эса ўша ойда Александр Ракичга қарши жанг ўтказиб, очколар эвазига ғалаба қозонган эди.