29 янв 11:50
Янгиликлар

Спорт курашлари

Магомед Ибрагимов Россиядаги турнирда совриндор бўлди

26-28 январь кунлари Россиянинг Красноярск шаҳрида эркин ва аёллар кураши бўйича халқаро турнир ўтказилиши ҳақида хабар бергандик.

"Иван Яригин-2018" мусобақасида ҳамюртларимиз ичида -97кг вазн тоифасида жангларда иштирок этган Магомед Ибрагимов совриндорлар орасидан ўрин олишга муваффақ бўлди.

Ибрагимов илк жангида россиялик Расул Магомедовга ютқазиб қўйди. Бироқ, рақибининг финалга боргани Магомед Ибрагимовга медаллар учун курашиш имкониятини яратди.

Якунда ҳамюртимиз бронза медали учун кечган беллашувда моғулистонлик Батзул Улзиисаикханни мағлубиятга учратди ва мусобақа совриндорига айланди.