Магомед Курбанов Исроил Мадримовга қарши жангдаги мағлубияти сабабларини айтди

"Ростини айтсам, бу саволга жавобим йўқ. Жангга тайёргарлик жараёнида ҳамма нарса тўғри бажарилганга ўхшайди. Спаррингдан тортиб то вазн ташлачгача. Оғирликни бажара олишимга ҳамма шубҳа қилди, лекин мен буни яхши уддаладим.

Балки мен бу билан тарих яратиш, унвонни олиш каби ўй-ҳаёллар билан овора бўлиб қолгандирман. Кейин жанг олдидан унинг бекор қилингани, Мадримов кўрикдан ўта олмагани ҳақида маълумотлар пайдо бўлди. Ўша пайтда мен: "Менга ҳақиқатан ҳам жаҳон чемпионлик камари учун курашиш насиб этмаганми?!", деб ўйлаб қолдим. Аммо кейин ҳаммаси ўзгариб кетди ва жанг бокс оқшоми санасидан 2-3 кун олдин тасдиқланди.

Шикоят қиладиган ҳеч нарсам йўқ. Бу менинг куним эмас эди. Ҳа, ютқаздим, ҳа уят бўлди, жуда хафа бўлдим. Лекин такрор айтаман, бу менинг куним эмас эди", - деди Курбанов Матч ТВ билан суҳбатда.