Магомед Мутаевнинг 18 ёшли қотили неча йил қамалиши мумкинлиги айтилди

Адвокат Александр Карабанов Нодирхон Қодирхоновни келгусида нималар кутаётганини маълум қилди.

"Бу ерда жиноятга тайёргарлик бўлганини яққол кўриш мумкин. У жой танлади, ўша одамга эргашди, қурол танлади ва орқадан отиш орқали ўзини иложи борича ҳимоя қилди. Менимча, бу ерда аффект истисно қилинади: бу энг соф шаклда олинган қасос бўлди - Қодирхонов ҳақоратланган, у кечира олмади, шунинг учун жиноят совуққонлик билан содир этилган.

Агар улар Мутаев ва унинг дўстлари Қодирхоновга тан жароҳати етказганини исботласалар, қарши иш қўзғатилиши мумкин. Эсингизда бўлса, яқинда опа-сингил Хачатурянларга қарши шов-шувли иш бўлиб ўтган эди. Тергов пайтида ҳимоячи зўрлаш учун моҳиятан ўлган шахсга қарши жиноий иш қўзғатишга муваффақ бўлганди. Ва суд буни ҳисобга олган эди. Бу ерда эса терговчи буни (Қодирхоновни калтаклаш ва ҳақорат қилиш эҳтимоли бор) ўз зиммасига олишга ва жиноий иш қўзғатишга мажбур. Агар бу жиноятлар исботланса, бу жазони енгиллаштиришга таъсир қилиши кафолатланади.

Ўйлайманки, агар қўрқитиш фактлари исботланса, судя энг пастидан ҳам камроқ нарсани бериши мумкин - тахминан беш йил. Кейин эса 3-3,5 йилдан сўнг шартли равишда чиқиб кетиш мумкин бўлади. Қолаверса, тергов изоляторида ўтган вақт ҳам жазога ҳисобланади. Аммо бу фақат барча юридик фактлар тўғри йиғилса ва ҳимоячи ҳаммасини исботлай олсагина бўлади".