18 авг 14:15
Янгиликлар

Бокс/ММА

Маҳмуд Мурадов жума куни АҚШга учиб кетади

UFC промоушенида муваффақиятли одимлаётган ҳамюртимиз Маҳмуд Мурадов айни пайтда Польшада бўлиб турибди.

Мурадов ўзининг 28 август кунига белгиланган жангига тайёргарликнинг сўнгги босқичини одатдагидек Польшада ўтказмоқда. У эртадан кейин АҚШга жўнаб кетади. Юртдошимиз 28 август куни Жеральд Миршертга қарши октагонга кўтарилади.

Маълумот учун, Миршерт ММАдаги фаолияти давомида 46 та жанг ўтказиб, уларнинг 32 тасида ғалаба қозонган. 14 та жангда мағлуб бўлган. Фаолияти давомида Кевин Холланд, Хамзат Чимаев каби рақибларга қарши жанг қилиб, имкониятни бой берган.

Маҳмуд Мурадов иштирокидаги кечадиган UFC Vegas 35 оқшомининг марказий жанги эса Эдсон Барбоза (22-9) ва Гига Чикадзе (13-2) ўртасида бўлиб ўтади.