Маҳмуд Мурадов қачон жанг қилиши мумкинлиги ҳақида маълум қилди

"Ассалому алайкум азиз дўстлар. Сўнгги кунларда менга Прагада вазият қандай ва уйдан ташқарида машқ қилишга имкон борми деган саволлар тез-тез кела бошлади. Чехияда коронавирус билан боғлиқ вазият сезиларли даражада яхшиланди, карантин чоралари бироз юмшади ва мен спорт залида машқ қилиш имкониятига эга бўлдим, албатта, барча хавфсизлик қоидаларига риоя қилган ҳолда. Кўплаб обуначиларимни қизиқтирадиган яна бир мавзу - бу кейинги жанг санаси. Биз ўзимиз UFCдан янгиликларни кутмоқдамиз, чунки кўплаб мамлакатлар чегаралари ҳанузгача ёпиқ ва ҳамма жойда ҳам карантин тугамаган. Мен қачон ва ким билан жанг қилишим, бутун дунёда коронавирус билан боғлиқ вазият яхшилансагина маълум бўлади. Қизиқишингиз учун катта раҳмат. ИншаАллаҳ тез орада сизларни яхши хабарлар билан ҳурсанд қиламан", - деган Маҳмуд Мурадов.