Маҳмуд Мурадовнинг рақиби маълум, у октагонда 16 та жанг ўтказган!

Бу ҳақида Мурадовнинг ўзи хабар берди. Юртдошимиз британиялик Даррен Стюартга қарши жанг ўтказади. Икки спортчи Инстаграм саҳифасида бир-бирлари билан диалог ўтказиб келишаётганди. Аввалига Маҳмуд рақибига жанг таклиф қилган, Даррен эса бунга дарҳол розилик берган. У "мен ҳеч қачон жанглардан қочмаганман", дея Мурадовга жавоб қайтарган. 

Маълумот учун, Даррен Стюарт 16 та жанг ўтказган бўлиб, шуларнинг 11 тасида ғалаба қозонган. Нокаут эвазига қозонилган ғалабалари сони 7 та! Бешта жангда мағлубият аламини тотиб кўрган. ММА оламидаги фаолиятини 2014 йилда бошлаган.  

Мурадов - Стюарт жангининг қачон ўтказилиши ҳозирча маълум эмас. Тез орада бу масалага ойдинлик киритилади. UFCнинг июль ойида "Жангчилар ороли"да ўтказиладиган тўртта турнирида Мурадов иштирокидаги жанг йўқ эканини инобатга олсак, катта эҳтимол билан жанг август ёки сентябрь ойида ташкил этилади.