30 сен 16:32
Янгиликлар

Бокс/ММА

Маҳмуд Мурадовнинг UFCдаги дебют жангидан қанча ишлаб олгани маълум

Хабар берганимиздек, 28 сентябрь куни Дания пойтахти Копенгаген шаҳрида навбатдаги UFC кечаси бўлиб ўтди.

UFC Fight Night 160 турнирининг марказий жангида Жаред Канноньер Жек Херманссонни иккинчи раундда нокаут қилишни уддалаганди.

Биз учун аҳамиятлиси, ҳамюртимиз Маҳмуд Мурадов ҳам UFCда дебют жангини ўтказгани бўлди. Бугун ҳамюртимизнинг ушбу жангдан қанча гонорар олгани эълон қилинди. Мурадов дебют жанги учун кафолатланган 10 000 доллар, шунингдек, баҳсда ғалаба қозонгани учун яна 10 000 долларга эга бўлди. "Rebook" билан имзоланган шартнома учун қўшимча 3 500 долларга эга чиқди.

Умумий олганда, Маҳмуд Мурадов Алессио Ди Чирикога қарши дебют жангидан 23 500 доллар ишлаб олди.