Маҳмуд Шавкатовни табриклаймиз!

Андижонда дунёга келган қаҳрамонимиз болалигидан спортга меҳр қўйди. Ана шу қизиқишлар уни эркин кураш залига етаклаб келди. Бир неча йиллик меҳнат ўз самарасини бермай қолмади. У ўсмирлар ўртасида икки карра жаҳон чемпионати совриндори, катталарда Осиё чемпионати совриндори, кўплаб халқаро мусобақалар ғолиби бўлди. 

Туркманистон пойтахти Ашхобод шаҳрида ўтган Ёпиқ иншоотлардаги Осиё ўйинларининг эркин кураш баҳсларида барча рақибларини мағлубиятга учратиб, олтин медални қўлга киритган. Мураббийи - Икром ака Ғофуров. -57 кг вазн тоифасида юртимиз шарафини ҳимоя қилиб келяпти. Андижон давлат университети талабаси. 

Фурсатдан фойдаланиб, Ўзбекистон спорт курашлари ассоциацияси раҳбарияти, мураббийлар штаби ва курашчилар номидан Маҳмуд Шавкатовни таваллуд куни билан чин қалбдан муборакбод этамиз.