Макгрегор Артём Лобов олдидаги қарзини тан олди

Чоршанба куни "Рус болғаси" адвокати Эндрю Уокер судда сўзга чиқиб, томонлар келишувга эришгани ва иш энди кўриб чиқилмаслигини айтди. Келишув шартлари ошкор этилмаган. Лобов аввалига 2021 йилда "Proper No. 12" виски брендини 600 миллион долларга Proximo Spirits компаниясига 600 миллион долларга сотгани устидан тузилган битимдан 5 фоиз улуш талаб қилган.

Макгрегорга брендни ишга тушириш ғоясини берган ва бизнес-режани тайёрлаган Лобов оғзаки келишув асосида 5 фоиз олиши кераклигини даъво қилган, ирландиялик эса бундай келишувни тузганини рад этган. Лобовнинг сўзларига кўра, у "Proper No. 12" ишга туширилгандан сўнг, бренд Макгрегор ва унинг ҳамкорларига жиддий фойда келтира бошлаганидан кейин бизнесдан "сиқиб чиқарилган".

Келишув эълон қилинганидан сўнг, Макгрегорнинг адвокати Марк Лайман судда ирландиялик юлдузнинг аризасини ўқиб эшиттирди ва ҳозирда жангчи ёзда октагонга қайтишга эътибор қаратаётганини қўшимча қилди.

"Мен унга виски ишлаб чиқариш бизнесим устида ишлагани учун миннатдорлик билдирмоқчиман". - деди Макгрегор ўз баёнотида Лобов ҳақида.

Лобов суд мажлисидан кейин келишув шартларига изоҳ бермади, бироқ зални тарк этишдан олдин натижадан мамнун эканлигини таъкидлади.

Маълумотларга кўра, 11 июль куни Конор Макгрегор Лас-Вегасда бўлиб ўтадиган UFC 329 турнирида иштирок этади ва оқшомнинг асосий жангида Макс Холлоуэйга қарши октагонга чиқиши мумкин.