24 июл 08:55
Янгиликлар

Бокс/ММА

Макгрегор ўз машғулотига машҳур реферини ёллади

Аралаш қоидалар бўйича енгил вазнда UFC чемпиони Конор Макгрегор машғулотларда жисмоний тайёргарликдан ташқари бокс қоидаларини ҳам ўрганиб, ўзлаштириб боряпти.

Шу мақсадда у машҳур ва тажрибали рефери Жо Кортеснинг хизматидан фойдаланяпти. Кортес Макгрегорга Флойд Мейвезер билан бўладиган жангда бокс қоидаларига амал қилишини уқтирмоқда.

Эслатиб ўтамиз, Флойд Мейвезер ва Конор Макгрегор ўртасидаги бокс қоидалари асосидаги жанг 26 август куни АҚШнинг Невада штати Лас-Вегас шаҳрида бўлиб ўтади. Энг қиммат чипта 90 000 доллардан сотиляпти.