Sky Sports нашри хабарига кўра, Миланнинг "Интер" клуби ҳужумчиси Лаутаро Мартинес Англия клублари қизиқишлари доирасига тушиб қолган. "Манчестер Сити" ва "Манчестер Юнайтед" клублари 22 ёшли аргентиналик футболчи учун даъвогарлар сафига қўшилишди. "Нерадзуррилар" форварди мазкур клублар учун 90 миллион еврога тушиши мумкин. Шу кунгача Лаутаро учун асосий даъвогар сифатида Каталониянинг "Барселона" клуби намоён бўлаётганди.
Эслатиб ўтамиз, аргентиналик ҳужумчи давом этаётган мавсумда А Сериянинг 12 учрашувида ўз ҳисобига 5 гол ва 4 та самарали узатмани ёздириб қўйди.
Фикрлар