07 апр 17:51
Янгиликлар
Футбол
"Манчестер Сити" "Барселона"дан Европа чемпионини олиб кетмоқчи
"Манчестер Сити" ўтган январь ойида Ла Лигада рўйхатдан ўтиш билан боғлиқ муаммолар туфайли Каталония клубини тарк этиши мумкинлигидан хавотирлар пайдо бўлгач, "Барселона" ярим ҳимоячиси Дани Ольмога қизиқиш билдирган биринчи клуб бўлди.
Sport.es хабарига кўра, "шаҳарликлар" 26 ёшли футболчини жамоа тизимига мос деб ҳисоблаган. Шунингдек, Ольмо 33 ёшли ярим ҳимоячи Кевин Де Брюйнега ўринбосар сифатида кўрилмоқда.
Эслатиб ўтамиз, январда Испания Олий спорт кенгаши (CSD) "Барселона"га Ольмони мавсумнинг иккинчи қисмида иштирок этиш учун вақтинча рўйхатдан ўтказишга рухсат берганди.
Ярим ҳимоячи жорий мавсум барча турнирларда 28 ўйинда майдонга тушиб, 8 та гол урди ва 5 та голли пас узатди. Ольмонинг клуб билан амалдаги меҳнат шартномаси 2030 йилнинг ёзига қадар тузилган.
Ҳавола :
Манба : Football Espana
Фикрлар