16 фев 12:23
Янгиликлар

Футбол

"Манчестер Сити" етакчиларидан бири "Реал"га қарши ўйнамаслиги мумкин

"Ньюкасл"га қарши учрашувнинг сўнгги дақиқаларида "Манчестер Сити" футболчиси Эрлинг Холанд жароҳат олди.

Футболчи учрашувнинг 87-дақиқасида захирага олинди. Норвегиялик ҳужумчи оёғини шикастлаб олган. Ҳозирча футболчининг жароҳати ҳақида тўлиқ маълумот берилмаган. Бироқ Холанд "шаҳарликлар"нинг навбатдаги учрашувини ўтказиб юбориши мумкин.

Эслатиб ўтамиз, "Ман Сити"нинг навбатдаги ўйини 19 февралга белгиланган. Ўша куни Хосеп Гвардиола жамоаси EЧЛ плей-офф ўйинларининг жавоб баҳсида "Реал Мадрид"га қарши баҳс олиб боради.