08 мар 19:43
Янгиликлар

Футбол

"Манчестер Сити" "қўшниси"нинг уйида мағлубиятга учради, Ҳусанов тўлиқ ўйнади

"Ноттингем Форест" ҳамда "Манчестер Сити" клублари ўртасида Англия Премьер-Лигасининг 28-тури доирасида ўтказилган учрашув тақдирини ягона гол ҳал қилди.

Терма жамоамиз ҳимоячиси Абдуқодир Ҳусанов ўйинни асосий таркибда бошлади ва учрашувда тўлиқ ҳаракат қилди. "The City Ground" стадионида 30 445 томошабин кўз ўнгида ўтган ўйиндаги ягона голга 83-дақиқада Каллум Хадсон муаллифлик қилди.

Гол Ҳусанов ҳаракат қилган қанотнинг қарама-қарши томонидан киритилди. Бугунги ғалабадан кейин "Ноттингем" 51 очко билан турнир жадвалида учинчи ўринни эгаллаб турибди. "Манчестер Сити" 46 очко билан 4-поғонада қолди. Агар бугун "шаҳарликлар" ғалаба қозонганида, кучли учликка жойлашиб олардилар.

Ҳусановнинг "Ноттингем Форест"га қарши статистикаси:

5 та тўп қайтариш

2 та блокланган зарба

93 % аниқ узатмалар (66/71)

3 та иккинчи қаватдаги курашда ғалаба