"Манчестер Юнайтед"га 5 та жиддий даъвогар бор

Ҳафта бошида қатарлик хусусий инвесторлар гуруҳи инглиз клубини тўлиқ сотиб олиш бўйича ҳаракатга киришгани маълум қилинган эди. Эндиги хабарга кўра, улар тўртта рақибнинг жиддий қаршилигига дуч келади. Охирги муддат олдидан баъзи таклифлар ҳам юборилган. Қатардан ташқари Америка Қўшма Штатларидан ҳам қизиқиш бор. Шунингдек, Буюк Британиянинг энг бадавлат инсони ва бутун умрлик "қизил иблислар" тарафдори Сэр Жим Рэтклифф ҳам клубни сотиб олиш учн бўлаётган уринишлардан четда турмаслигини билдирган.

Тез орада жараённинг биринчи босқичи якунланади. Кейинчалик махфийлик шартларини қабул қилганларга "Юнайтед" молиявий маълумотлари сақланадиган "маълумотлар хонаси"га кириш ҳуқуқи берилади. Маълум бўлишича, таркибида Саудия Арабистонининг "Ньюкасл"га эгалик қиладиган инвесторларига ҳам шундай рухсат берилган. Уларнинг расмий таклиф билан чиқиши ёки йўқлиги ҳозирча номаълум.

Глейзерлар оиласи "Манчестер Юнайтед" учун 6 миллиард фунт талаб қилаётгани хабар қилинган. Бироқ улар ҳозирча оммага аниқ рақамларда қанча маблағ исташларини ошкор қилмади. Улар, шунингдек, инвестициянинг иккита алоҳида шаклини қабул қилишга тайёрликларини айтишган. Биринчиси клубдаги улуш эвазига мустақил равишда нақд пул киритиш шаклида, иккинчиси эса мураккаб тижорий ҳамкорлик асосида.

ПСЖга эгалик қилувчи QSI гуруҳидан алоҳида бўлган қатарликлар уларнинг таклифи энг кучли бўлишига ишончи комил.