04 апр 17:19
Янгиликлар

Футбол

Манчини Италия терма жамоасини бошқаришга тайёр

"Ал Садд" бош мураббийи Роберто Манчини Италия терма жамоасига қайтишга тайёр, дея хабар бермоқда журналист Руди Галетти.

Қайд этилишича, Қатар жамоаси билан шартномани бекор қилиш муаммо бўлмайди. Манчини 2018 йилдан 2023 йилгача Италия терма жамоасини бошқарган. У Саудия Арабистони терма жамоаси, "Зенит”, "Интер”, "Галатасарой”, "Манчестер Сити”, "Лацио" ва "Фиорентина" клубларида ҳам ишлаган.

Март ойи охирида Италия терма жамоаси ўтиш ўйинида Босния ва Герсеговинага (1:1, пенальтилар сериясида 1:4) имкониятни бой бериб, ЖЧ-2026га чиқа олмади. Шундан сўнг бош мураббий Женнаро Гаттузо истеъфога чиқарилди. Унинг ўрнига яна икки номзод — Массимилиано Аллегри ва Антонио Конте даъвогарлик қилаётгани хабар қилинганди.