"Мақсадим реванш олиш" - Конкабаев Токио Олимпиадасида Ўзбекистон билан рақобат ҳақида гапирди

Бокс бўйича Қозоғистон терма жамоаси етакчиларидан бири Камшибек Конкабаев яқинда Токиода бўлиб ўтадиган Олимпия ўйинларида бокс бўйича Ўзбекистон терма жамоаси вакили Баҳодир Жалолов билан эҳтимолий учрашув ҳақида ўз фикрлари билан ўртоқлашди, деб хабар беради Sports.kz.

"Ҳамма ўзбек бокси ҳақида гапирмоқда, аммо улардан ташқари яна 15 рақиб бор. Уларнинг ҳар бири хавфли бўлиши мумкин. Агар Олимпиадада ўзбек боксчиси билан учрашсам, бу сафар ғалаба қозонишимга умид қиламан. Мураббийлар штаби билан тўғри тактикани танлаймиз. Реванш олиш мақсадим бор", - деди Конкабаев.