"Маракана" стадиони сотувга қўйилди

Рио штати ассамблеяси 62 та давлат мулкини сотишга рухсат берувчи лойиҳани маъқуллади, улар қаторига муҳташам стадион ҳам киради. Шаҳар қонун чиқарувчи органи стадионни таъмирлаш харажатларидан қочиш ва ҳозирда 1,89 миллиард еврога баҳоланаётган минтақанинг қарзининг бир қисмини тўлаш учун ушбу чорани кўрди.

"Маракана" стадиони 1950 йилги Жаҳон чемпионати учун қурилган ва ўша пайтда дунёдаги энг катта стадион эди. Бразилия финалга Уругвайга 1:2 ҳисобида ютқазган. Расмий маълумотларга кўра, 173 850 та чипта сотилган, бу футбол тарихида ҳалигача томошабинлар сони бўйича рекорд бўлиб қолмоқда.

"Маракана" "Фламенго" ва "Флуминенсе" жамоаларининг уй стадиони бўлиб, шунингдек, Бразилия терма жамоаси ҳам вақти-вақти билан у ерда ўйинлар ўтказади. Ушбу аренада 2014 йилги Германия ва Аргентина ўртасидаги Жаҳон чемпионати финали бўлиб ўтган (қўшим берилган дақиқада 1:0).

Кейинчалик, таъмирлаш ишлари давомида "Маракана"нинг сиғими камайтирилди. 2025 йилга келиб, стадион 78 000 дан ортиқ томошабинни сиғдира олади. У Жанубий Америкадаги "Ацтека" (Мексика, Мехико шаҳри) ва "Монументаль" (Перу, Лима) стадионларидан кейин энг йирик стадионлардан бири.