01 окт 15:15
Янгиликлар

Теннис

Мария Parma Ladies Open бош соврини учун кортга чиқади

Италиянинг Парма шаҳрида теннис бўйича WTA турнири давом этмоқда.

Бироз аввал Parma Ladies Open мусобақасида илк финалчининг номи маълум бўлди. Сайёрамизнинг еттинчи рақамли теннис маликаси Мария Саккари 1/2 финал учрашувида рейтингнинг 78-поғонасидан жой олган черногориялик Данка Ковинични мағлуб этди - 7/5, 6/2.

Теннисчилар кортда 91 дақиқа давомида ҳаракат қилишган. Уларнинг ўзаро учрашувларидаги ҳисоб мувозанати тикланди - 2:2. Саккари 3 та, Ковинич эса 1 та эйс зарбасини амалга оширган. Грециялик теннисчининг бош соврин учун баҳсдаги рақибаси ҳозиргина бошланган руминиялик Ана Богдан ва мисрлик Маяр Шериф учрашувида аниқланади.