30 сен 13:40
Янгиликлар

Теннис

Мария Саккари камбэк эвазига 1/2 финалга йўл олди

Италиянинг Парма шаҳрида ўтказилаётган WTA турнирида ярим финал иштирокчилари маълум бўлди.

Сайёрамизнинг еттинчи рақамли теннис маликаси Мария Саккари қийинчилик билан ғалабага эришди. Грециялик теннисчи учинчи сетда 1/3 ҳисобида ютқаза туриб, муҳим брейкни амалга оширишди ва якунда 2/6, 6/4, 6/4 ҳисобида бельгиялик Марина Заневскаяни мағлубиятга учратди.

Эътиборлиси, WTA рейтингида 97-поғонадан жой олган Заневская ҳам, Саккари ҳам бир хил статистика қайд этишди. Иккала теннисчи ҳам 2 соату 22 дақиқа давомида 2 тадан эйс, 8 тадан қўшхато ва 6 тадан брейкни амалга оширишган. Теннисчиларнинг ўзаро ҳар икки учрашувида ҳам Мариянинг қўли баланд келди. Энди Саккари Parma Ladies Open турнирининг финал чиптаси учун черногориялик Данка Ковиничга қарши кортга чиқади.