15 июн 08:30
Янгиликлар

Теннис

Мария Саккарида кутилмаган мағлубият

Буюк Британиянинг Ноттингем шаҳрида теннис бўйича нуфузли WTA турнири давом этмоқда.

Сайёрамизнинг 33-ракеткаси Мария Саккари мусобақанинг чорак финалида кутилмаган мағлубиятни қабул қилиб олди. Грециялик теннис маликаси америкалик Женнифер Брэдига ютқазиб қўйди.

Рейтингнинг роппа-роса 80-поғонасидан жой олиб турган Брэди 1 соату 30 дақиқа давом этган учрашувда кучли рақибасини 7/5, 6/3 ҳисобида таслим этди. Энди 24 ёшли Брэди Nature Valley Open Nottingham турнири ярим финалида франциялик Каролин Гарсияга қарши кортга чиқади.