Мария Шарапованинг фаолиятига бир назар + ФОТОГАЛEРEЯ

У фаолияти давомида миллионлаб мухлислар орттирди. Ҳозир Шарапованинг фаолиятига бир назар соламиз.

“Уимблдон”-2004

17 ёшли Мария финалда теннис юлдузи Серена Уильямсни «янчиб» ташлаганди. Бу Шарапованинг илк «Улкан тож» соврини бўлганди.

US Open-2006

Мария US Open - 2006 турнирида иккинчи «Катта дубулға» совринини ютиб олишга эришди. У чемпионлик йўлида ўша вақтнинг дунёнинг биринчи ва иккинчи рақамли теннисчилари — Амели Моресмо ва Жюстин Эненни мағлуб этишни уддалади.

Australian Open-2008

2008 йилги Австралиядаги мусобақада у ҳеч кимга ҳеч қандай имконият қолдирмади. Турнир давомида битта ҳам сетни бой бермади. Чемпионлик йўлида учта топ беш вакилаларини таслим этишни уддалади.

“Ролан Гаррос”даги дубл              

Мария фаолиятининг бошида жуда кўп бор қумли кортлар у учун эмаслигини, бундай кортлар унга анча қийинчилик туғдиришини таъкидлаган. Лекин айнан шу мусобақада Шарапова икки марта бош совринга эга чиққан.

Умумий совринлар

Мария Шарапова умумий ҳисобда 35 марта WТА мусобақаларида зафар қучган. Фаолиятини якунламаганлар орасида бу тўртинчи кўрсаткич ҳисобланади.

Жароҳатлар

Мария Шарапова 2008 йилдан буён жароҳатлар билан ҳаракат қилади. Ўшанда у илк бор елкаси сабабли жарроҳлик столига ётди. Илк операциядан сўнг Шарапованинг елкасидаги оғриқ тўлиқ фаолияти давомида таъқиб қилиб келди.

У доим Россия учун

Мария ҳаётининг катта қисмини АҚШда ўтказди. Теннисга илк қадамидан тортиб, фаолиятини бошини ҳам океанортида ўтказди. Унга жуда кўп бор фуқароликни алмаштиришни таклиф қилди. Лекин... У Россияни севди, унинг учун Россия она ватан бўлиб қолаверди. Шарапова Россия терма жамоаси таркибида Лондон-2012 олимпия ўйинларида иштирок этди ва яккалик баҳсларида кумуш медални қўлга киритди.

Гўзаллик

No Comment!