27 окт 12:16
Янгиликлар

Теннис

Мария Тимофеева бу ҳафта Ченнайдаги WTA 250 турнирида қатнашади

Ўзбекистоннинг биринчи ракеткаси Мария Тимофеева Ҳиндистоннинг Ченнай шаҳрида старт олган теннис бўйича 275,094 доллар мукофот пулига эга турнирда иштирок этади.

Қуръа натижасига кўра, у асосий тўрнинг илк даврасида таиландлик Ланлана Тарарудига қарши кортга чиқадиган бўлди. 1/6 финалдан ўрин олган ушбу учрашув эртага, 28 октябрь куни бизнинг вақт билан соат 09:30да бошланади.

Таққослаш учун, Мария Тимофеева айни пайтда WTA рейтингида 146, Тараруди эса 173-ўринни эгаллаб турибди. Бу теннисчиларнинг ўзаро ўтказадиган иккинчи учрашуви бўлади. Шу йил июль ойида Португалиядаги турнирда Мария рақибасини 6/2, 6/2 ҳисобида мағлуб этган эди.